Ataata

Kei te whakaaturia i konei ngā ataata o ētahi pūkenga e kōrero ana mō te hītori Māori me ngā āhuatanga e pai ai te ako i te hītori Māori i ngā kura.

He Putanga nō Uki

I ngā tau tōmua o 1940 tērā tētahi rōpū tamariki e tākaro ana i te repo i te taha moana ki Muriwai, ki Tūranga-nui-a-Taha. He whenua taurikura nō te iwi o Ngāi Tāmanuhiri ka noho atu ki te take o te pari rongonui e kīia rā ko Te Kurī a Pāoa. I mua tata atu ka karawhiua te whenua rā…

Hei Whakaaro mō ngā Kura (Hon. Dr Pita Sharples)

E kōrero ana te Minita i ōna whakaaro mō te whakaako i te hītori Māori ki roto i ngā kura katoa o te motu. Ki tā te Minita, he māmā noa iho tēnei kaupapa te kawe e ngā kaiako.

Ētahi Wheako mai i Mua

E kōrero ana a Piri mō ana akoranga hītori, i tana taiohitanga i te kura o Pōrangahau. E ai ki a ia ko tēnei te wā kia whakaakona ai ngā hītori Māori, arā ngā hītori o Aotearoa, ki ngā ākonga katoa, ahakoa ko wai.

He Kōrero Akiaki

Ka hoki ngā whakaaro o Deanne ki ngā Kīngi me ngā Kuīni o Ingarangi, ā, ki ngā akoranga o tana taitamarikitanga.

Waitara: Ngā Pakanga Whenua

Nō te tau 1841 ka parawhenuameatia ngā takiwā o Waitara, o Ngāmotu i Te Tai Hau-ā-uru e ngā tāngata Pākehā i tatū mai ki Aotearoa me te Kamupene o Aotearoa (The New Zealand Company). Ko Wharehoka Wano tēnei e kōrero ana mō te pakanga whenua i pahū ai ki Pekapeka, ki Waitara.

Te Ruapekapeka: Ngā Pakanga Whenua

Whakarongo pīkari mai rā ki a Peeni Henare e kōrero ana mō te pā maioro nei, mō Te Ruapekapeka. E āhukahukatia ana a Te Ruapekapeka i te hiranga o te hangana ōna

Haka Hītori

Ko te kapahaka he huarahi pupuri kōrero hītori nui. Hei tauira, ko te haka ‘Atua Whiowhio’ nā Te Iti Kahurangi. He huihuinga kōrero nā Te Kāhautu Maxwell, Tom Roa, me Kingi Kiriona mō te ‘Atua Whiowhio’, he kupu whakaari nā te poropiti Māori nā Te Kooti, mō te taenga mai o te rerewhenua ki roto o Maniapoto. Ko tōna otinga,…

Te Pao a Tahu Kapa Haka

Ko te kapa haka te waka e kawe nei i ngā kōrero a taua mā, pōua mā. Ka mutu koirā te tino whāinga i roto i ā mātou mahi, he whakangāitahu i a mātou, whakakāitahu rānei, i a mātou mō kā uri ā muri ake nei. Heoi anō ahakoa te mita, ahakoa te hapū kei te kōrerohia, kei te ora…

He Kāpehu Whetū

Ka kōrero a Hohepa Isaac-Sharland ki ētahi tamariki mō te waka hourua, mō Te Mata a Māui. Ka kōrero a Kotuku Tomoana mō te kāpehu whetū, mō ngā wāhi, me ngā tūpuna anō hoki o Ngāti Kahungunu.

Akaroa – Kā Roimata

Ka whakaatu te ataata puoro me te waiata i te mauherenga o Te Maiharanui rātou ko tōna wahine Te Whē ko tāna tamāhine Kā Roimata i runga i te kaipuke Irihāpeti. Ka whakaatu i te whakamatenga whakaaroha o Kā Roimata me te pūrākau i ahu mai i aua mahi o mua, me te kitenga i ngā tauranga tio i te…

Nō Hea te Hau

Ka whakaatu te ataata i te tīmatanga o ngā pakanga i waenganui i a Kāi Tahu me Ngāti Toarangatira.

Te Aurere

Ko te whakatere waka he huarahi whakatō i te wairua Māori, i te whakaaro Māori ki roto i ā tātou rangatahi.